Electrical Conversion of Atrial Fibrillation

Summario in Interlingua

Le facilitate con que fibrillation atrial (FA) pote esser convertite per medio electric ad in rhythmo sinusal (RS) rende desirabile le formulation de criterios pro le selection del patientes. Le presente studio consiste de un analyse de quatro considerationes de signification relative al processo selectori. IIlos es (a) efficacia, (b) salvitate, (c) effectos hemodynamic, e (d) mantenentia del RS.

In un gruppo de 108 patientes, le reversion electric habeva (a) un efficacia de 95 pro cento e esseva (b) salve con un incidentia de complicationes revertibile de solmente 4 pro cento. Le occurentia de un melioration hemodynamic ha essite documentate in plure series de patientes studiate ante e post le conversion al RS. Iste melioration esseva demonstrate in stato de reposo e durante exercitio e post therapia de mantenentia a quinidina.

Le mantenentia del RS esseva evalutate in 100 patientes durante periodos de inter 8 e 20 menses. Observationes clinic, radiographic, electrocardiographic, e hemodynamic esseva evalutate como factores influentiatori. Le plus significatives inter illos con respecto al mantenentia del RS esseva le duration del FA, le etiologia, e le classe functional. Inter le casos in que FA habeva esseva presente durante plus que un anno, solmente 38 pro cento esseva in RS un anno post le conversion. Inter le casos in que FA habeva essite presente durante minus que un anno, 89 pro cento manteneva le RS. Inter le casos in que le etiologia de FA esseva ischemic morbo cardiac, rheumatic morbo multivalvular, stenosis mitral, o causas miscellanee 37, 38, 78, e 90 pro cento, respectivemente, se trovava in RS un annos post le conversion. Inter le casos del classes functional III e IV, ille proportion amontava a solmente 49 pro cento; inter le casos del classes I e II, illo amontava a 65 pro cento. Per consequente, un duration de plus que anno, le presentia de morbo ischemic o multivalvular, e pertinentia al classes functional III e IV esseva definite como "factores disfavorabile." Le recognition de iste factores disfavorabile es de valor prognostic. RS esseva mantenite durante un anno in 90 pro cento del patientes sin ulle del factores disfavorabile, in 78 pro cento del patientes con un tal factor, e in 38 pro cento del patientes con duo o tres tal factores.

Insimul con le quatro supra-listate considerationes, le sequente formulation es presentate. Indicationes: nulle o un factor disfavorabile, embolismo del circulation major, congestive insufficientia cardiac, e acute collapso cardiovascular. Contraindicationes relative: candidatura pro chirurgia cardiac, stato immediatemente post operation cardiac, FA con hyperthyroidismo, recente embolismo del circulation major, lente FA sin digitalis, intolerantia pro quinidina, e 2 o 3 factores disfavorabile. Contraindicationes absolute: intoxication per digitalis, FA con bloco atrioventricular complete, FA de recurrentia repetite, e angina alleviate per FA.