Three Families with Familial Cardiomyopathy

Summario in Interlingua

Esseva studiate tres familias con un forma familial de morbo myocardial. In iste familias le tableau clinic consisteva del elementos describite como characteristic de primari morbo myocardial. Le constatationes includeva evidentia de discompensation cardiac, episodios embolic, e morte subitanee.

In le prime familia, septe membros manifestava simile formas de morbo myocardial, sed in plus anormalmente conforma te digitos esseva presente in omne le subjectos con affection myocardial. In le secunde de iste familias con cardiomyopathia, antecedentes esseva notate de stroma familial a traciar a transverso un periodo de multe annos. Le relation inter le stroma e le morbo cardiac non esseva apparente. Il es possibile que un analogo de thyroide esseva presente in le circulation, causante le stroma e forsan etiam le morbo cardiac. In le tertie familia, le antecedente de un intermaritage de cosinos de prime grado esseva notate, e 4 membros de iste familia manifestava morbo myocardial de natura comparabile. Studios histologic revelava le presentia de un material PAS-positive, con resistentia contra diastase, lo que suggestionava le un o le altere forma de defecto biochimic.

Le modo de transmission genetic pare sequer un schema de dominante autosomal del genere describite per numerose previe autores. In individuos affligite de morbo cardiac de etiologia obscur, un studio anamnestic del familia debe esser reguardate como un del possibile manieras de solver le problema.