A NEW CONCEPT OF FAMILIAL ADENOMATOSIS*

doi:10.1059/0003-4819-45-6-1045

A NEW CONCEPT OF FAMILIAL ADENOMATOSIS*

ROY C. GUMPEL, M.D.
Mamaroneck, N. Y.
; and
JOSE D. CARBALLO, M.D.
Coral Gables, Florida

Requests for reprints should be addressed to Roy C. Gumpel, M. D.,
335 Rushmore Avenue, Mamaroneck, N. Y.

Excerpt

The disease familial adenomatosis has long been recognized, the first description being variously accredited to Menzel¹ in 1721 and Virchow² in 1863. It is characterized by a diffuse adenomatous involvement of the colon, a heredofamilial incidence and a close relationship to cancer of the large bowel. It is a distinct disease entity and is to be differentiated from postinflammatory polyposis and nonfamilial discrete polyps of the colon.

Multiple sessile or pedunculated proliferations of the mucous membrane of the entire colon are found. Often there is a predilection for the terminal bowel and, rarely, the involvement is segmental. The stomach and

Acknowledgment

The authors are indebted to John M. Rumball, M.D., Chief, Medical Service, Veterans Administration Hospital, Coral Gables, Florida, under whose guidance the reported cases were studied and who critically read the original manuscript.

Summario in Interlingua

Le morbo designate como adenomatosis familial es characterisate per un diffuse affection adenomatose del colon, un incidentia heredofamilial, e un stricte relation a cancere del grande intestino. Plure recente articulos ha attaccate le character restringite ascribite a iste syndrome in su description classic. Le association de altere anormalitates de crescentia con illo esseva signalate, incluse multiple cystes sebacee, crescentias de histo fibrose, e exostoses. Un revista del litteratura plus ancian revelava un certe numero de casos in que ille anormalitates de crescentia esseva associate con le lesiones polypoide de adenomatosis familial. In recente tempores le autores ha vidite tres casos de adenomatosis familial que illes ha evalutate in respecto al supra-mentionate association. A parte le coexistentia del jam enumerate lesiones, un del patientes habeva un fibrosarcoma e un altere un leiomyoma. In omne le tres casos, le existentia del associate anormalitates de crescentia esseva recognoscite ante le establimento del diagnose de adenomatosis familial e ante le apparition de symptomas gastrointestinal.

Le tactica ideal verso le problema de cancere visa a su prevention. Adenomatosis familial offere un campo admirabile pro le application de iste principio, viste le alte incidentia de degenerationes maligne in ille initialmente benigne processo. Omne medio resultante in le precoce signalation de adenomatosis familial es benvenite, nam omne tal medio contribue al reduction del mortalitate attribuibile a ille morbo. Le facto que un tal medio se trova nunc a nostre disposition es suggerite per le reportos e le casos enumerate in le presente articulo. Si futur reportos de casos additional de adenomatosis familial o revistas de series previemente publicate resulta in le verification del association in question, un medio additional pro le prevention de cancere del grande intestino va esser disponibile.

Post le constatation de un del supra-mentionate anormalitates de crescentia, le historia personal e familial del patiente debe esser obtenite con attention special prestate al detection de symptomas gastrointestinal. Mesmo in le absentia de tal symptomas nos crede recommendabile le execution de un revista diagnostic pro eliminar le possibilitate de coexistente adenomatosis familial.